UzNews’ning Shayxontohur tuman IIBdagi manbasiga tayanib xabar berishicha, 6-iyun taxminan soat 6:00 da suv kanalining “Fleshka” savdo markazi tomonda joylashgan qirg‘og‘idan hech qanday tan jarohatlari alomatlari bo‘lmagan yosh yigitning jasadi topilgan.
16 yoshli o‘smirning murdasi Toshkent shahrida yashovchi 1965-yilda tug‘ilgan fuqaro tomonidan topilgan. Shundan so‘ng u zudlik bilan 102 raqami orqali ichki ishlar organlariga xabar bergan.
Sud-tibbiy ekspertiza xodimlari tomonidan o‘tkazilgan tekshiruvda cho‘kib ketgan yigitning 2001-yil 5-mayda tug‘ilgan Yunusobod tumanidagi 271-maktabning 9-sinf o‘quvchisi Tojiboyev Dilmurod Olimjon o‘g‘li ekanligi aniqlangan.
Sud-tibbiy ekspertizaning o‘lim haqidagi xulosasida yuqori nafas organlariga suyuqlik (suv) tushishi natijasida yuz bergan mexanik asfiksiya, shuningdek, tananing shishib ketishi haqida so‘z borgan.
Izoh (0)