Futbol bo‘yicha O‘zbekiston milliy terma jamoasi Tehron shahriga yetib keldi. 12-iyun — dushanba kuni mazkur shaharda joylashgan “Ozodi” stadionida Eronga qarshi uchrashuv bo‘lib o‘tadi.
JCh—2018 saralashining 8-turidan joy olgan bellashuv uchun bosh murabbiy Samvel Babayan 23 nafar futbolchini Tehronga olib ketdi. Tarkibda yo‘qotishlar bor. Jarohatlari sabab Vitaliy Denisov, Islom To‘xtaxo‘jayev, Marat Bikmayev, Aleksandr Merzlyakov Eron safaridan tushib qolgan.
O‘zbekiston terma jamoasi
DarvozabonlarIgnatiy Nesterov — “Lokomotiv”Eldor Suyunov — “Nasaf”Aleksandr Lobanov — “Paxtakor”HimoyachilarYegor Krimets — “Beydzing Guoan”, XitoyAnzur Ismoilov — “Chanchun Yatay”, XitoyOtabek Shukurov — “Bunyodkor”Rustam Ashurmatov — “Bunyodkor”Akmal Shorahmedov — “Nasaf”Farrux Sayfiyev — “Nasaf”Stanislav Andreyev — “Paxtakor”Davron Hoshimov — “Paxtakor”Murod Xolmuhammedov — “Qo‘qon-1912”
Yarim himoyachilarVadim Afonin — “Orenburg”, RossiyaOdil Ahmedov — “Shanxay SIPG”Server Jeparov — “Istiqlol”, EronSardor Rashidov — “Al-Jaish”, QatarFozil Musayev — “Jubilo Ivata”, YaponiyaAziz Haydarov — “Ajman”, BAAJaloliddin Masharipov — “Lokomotiv”Eldor Shomurodov — “Bunyodkor”
HujumchilarTemurxo‘ja Abduxoliqov — “As-Sayliya”, QatarAleksandr Geynrix — “Ordabasi”, Qozog‘istonIgor Sergeyev — “Paxtakor”
12-iyun kungi ehtimoliy g‘alaba Eron terma jamoasini Rossiyada bo‘lib o‘tadigan Jahon chempionatiga olib chiqadi. O‘zbekiston terma jamoasi hozircha to‘g‘ridan-to‘g‘ri yo‘llanmadan umidini uzmagan.
Izoh (0)