“Samarqand” xalqaro aeroporti bir oy davomida yopiladi, deb yozadi “STV.uz”. Parvozlarning vaqtinchalik to‘xtatilishiga uchish-qo‘nish yo‘lagida ta’mirlash ishlarining olib borilishi sababchi bo‘ldi.
Shu munosabat bilan, “O‘zbekiston havo yo‘llari” MAK xalqaro reyslarni Samarqanddan Buxoro xalqaro aeroportiga ko‘chirishini ma’lum qildi. Yo‘nalishning o‘zgarishi 1-iyuldan 31-iyulga qadar amalga oshiriladigan reyslarga tegishli bo‘ladi.
Rossiyaning “Aeroflot” kompaniyasi ham 4-iyuldan 1-avgustgacha o‘zining Samarqanddan amalga oshiriladigan reyslarini Navoiy xalqaro aeroportiga ko‘chirishini e’lon qildi. Yo‘lovchilar Sheremetyevo—Navoiy—Sheremetyevo reyslari orqali jo‘natiladi. Shu bilan birga, “Aeroflot” qo‘shimcha qilishicha, yo‘lovchilarni yer usti transporti bilan Samarqanddan Navoiyga olib borish va yana olib kelishni kompaniya ta’minlamaydi.
Izoh (0)