4-iyun, yakshanba kuni kechqurun Rossiya prezidenti Vladimir Putinning intervyusi namoyish etilgan Megin Kellining NBC telekanalidagi ko‘rsatuvini 6 milliondan ortiq amerikalik tomosha qildi, deb yozadi “RIA Novosti” Adweek reyting portaliga tayanib.
Putin Kelliga Rossiya-Amerika aloqalari hamda Rossiyaga nisbatan “AQShdagi saylovlarga aralashish” ayblovlari mavzusida intervyu berdi.
Ko‘rsatuvni jami 6,1 million kishi tomosha qildi, reyting 25—54 yosh kategoriyasida 1,2 foizni tashkil etdi. Bu sport ko‘rsatuvlarini hisobga olmaganda, NBC’ning martdan buyon kuzatilgan eng yuqori reytingi bo‘ldi.