Suriya qurolli muxolifatining ikki guruhi Damashqdan 50 kilometr sharqdagi “Dumayr” aerodromi yaqinida mamlakat harbiy-havo kuchlari qiruvchi samolyotini urib tushirganini ma’lum qildi. Bu haqda “TASS” xabar bermoqda.
Al Arabiya telekanaliga ko‘ra, “Asvad ash-Sharkiya” brigadasi jangarilari samolyot Tell-Dakva tumanida qulagani va uning uchuvchisi halok bo‘lganini bildirgan.
O‘z navbatida, “Jaysh ash-Shuhada” tuzilmasi qiruvchi Bir-Kasab vohasi yaqinida qulagani, unga yaqinda AQSh tomonidan taqdim etilgan zenit qurilmalaridan o‘t ochilganini da’vo qildi.
Suriya qo‘mondonligi hozircha bu xabarlarga izoh bermadi.