Bir necha yil O‘zbekiston Milliy teleradiokompaniyasi raisi lavozimida ishlab kelgan, shu yilning fevral oyida lavozimidan ozod etilgan Alisher Xodjayev yangi lavozimga tayinlandi. Bu haqda “Daryo”ga ishonchli manbalar ma’lum qildi.
Vazirlar Mahkamasi qaroriga ko‘ra, Alisher Xodjayev O‘zbekiston Respublikasi Vazirlar Mahkamasi huzuridagi millatlararo munosabatlar va xorijiy mamlakatlar bilan do‘stona munosabatlar bo‘yicha qo‘mita raisi o‘rinbosarligiga tayinlandi.
Ushbu qo‘mita Prezident Shavkat Mirziyoyevning farmoniga ko‘ra, Respublika baynalmilal markazi hamda do‘stlik jamiyatlari va xorijiy davlatlar bilan madaniy-ma’rifiy aloqalar kengashi negizida tashkil etilgandi.