AQShda qotil qamoqdan yog‘och qirindisi solingan “tobut”da qochishni 50 marta repetitsiya qilgan

Nyu-York qamoqxonalaridan birining 1995-yilda ota-onasini o‘ldirgani uchun umrbod qamoqqa mahkum etilgan 40 yoshli mahbusi Garri Mauer  yog‘och qirindisi solingan taxta qutida qamoqdan qochishni 50 marta repetitsiya qilgan. Uning aniq rejasi bor edi, ammo oxir-oqibat u amalga oshmay qoldi, deb yozadi “Vesti.ru”.

Mauer o‘z niyatini 2015-yildayoq amalga oshirishga uringan, ammo bu haqda endi ma’lum bo‘ldi. Qotilni dastlab Garri bilan birga qochmoqchi bo‘lgan, biroq keyinroq fikrini o‘zgartirgan kameradoshi tutib bergan.

Informatorning so‘zlariga ko‘ra, Mauer nazoratchilardan go‘yoki uni stanoklardan uchib chiqayotgan uchqunlardan himoya qiluvchi katta yog‘och ekran yasab berishni so‘ragan. Keyinroq qariyb ikki yil davomida jinoyatchi asta-sekinlik bilan bu yog‘och bo‘lagidan qochish uchun quti yasagan.

U yog‘och qirindilarini to‘plab, ularning qalin qatlami ostiga yashirinmoqchi bo‘lgan. Mauer mahalliy fermerlardan biri muntazam ravishda ustaxonada qolib ketgan parchalarni utilizatsiya uchun olib chiqib ketishini bilgan. Hech narsadan gumon qilmagan fermer yordamida qotil qochishni amalga oshirmoqchi bo‘lgan.

Informatorning aytishicha, Garri qochishni o‘n martalab qadam-baqadam repetitsiya qilgan.

“Bu vaqtda soqchilar qayerga qaragani faqat xudoga ayon”, — dedi mahbus.

Mauer tutilgach, uni qariyb bir yarim yilga alohida kameraga hukm qilishdi.