Oybek Qilichev “Navbahor” futbol klubining aprel oyidagi eng yaxshi futbolchisi deb topildi. Bu haqda Namangan jamoasi matbuot xizmatiga asoslanib, “Championat.asia” nashri ma’lumot berdi.
Klub muxlislari orasida o‘tkazilgan so‘rovnomada Qilichev 35 foiz ovoz to‘plagan. Ikkinchi o‘rin esa 25 foiz ovozni o‘ziniki qilib olgan hujumchi Nemanya Yovanovichga tegishli.
Aprel oyidagi eng yaxshi futbolchi nima sababdan iyun oyiga kelibgina e’lon qilingani ma’lum emas.
Oybek Qilichev may oyining so‘nggi o‘n kunligida o‘tgan “Buxoro”ga qarshi uchrashuvda o‘zidan yoshroq bo‘lgan Ergash Ismoilovni urgani uchun maydondan chetlatilgan va ikki uchrashuvga diskvalifikatsiya qilingandi. Jazo o‘talishi kerak bo‘lgan birinchi o‘yin kelmasidanoq Qilichev oila qurdi.
Boks murabbiyi To‘lqin Qilichevning ukasi bo‘lgan Oybek Qilichev, Rio—2016 Olimpiadasi ishtirokchisi, Uzbek Tigers klubi a’zosi Bahodir Jalolovning singlisiga uylangan.
Izoh (0)