Noma’lum shaxs yo‘lovchi niqobida Rashid Bekmuradov boshqaruvidagi Nexia rusumli avtoulovda Yunusobod tumanidagi manziliga yetib kelgach, to‘satdan oshxona pichog‘idan qurol sifatida foydalanib, haydovchiga hujum qilgan va 220000 so‘m pulini egallab, jinoyat joyidan yashiringan. Bu haqda Toshkent shahar IIBB matbuot xizmati ma’lum qildi.
Mazkur holat yuzasidan Yunusobod tumani IIB huzuridagi Tergov bo‘limi tomonidan bosqinchilik alomatlari bilan jinoyat ishi qo‘zg‘atilgan edi.
Toshkent shahar IIBB xodimlari tomonidan olib borilgan qat’iy sa’y- harakatlar natijasida mazkur jinoyat muqaddam bir necha marotaba sudlangan Shuhrat Usmanov tomonidan sodir etganliganligi aniqlanib, undan oshxona pichog‘i daliliy ashyo sifatida olingan.
Hozirda Usmanov ushlanib, unga nisbatan qamoqqa olish tarzidagi ehtiyot chorasi qo‘llanilgan. Dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Yuqoridagi shaxsning hatti-harakatidan jabr ko‘rganlar bo‘lsa, “102” telefon raqamiga yoki ichki ishlar idoralariga murojaat etishi mumkin.
Izoh (0)