Namanganda o‘tkazilayotgan “Qoradori 2017” tadbiri davomida viloyat Ichki ishlar boshqarmasi hodimlari tomonidan giyohvandlik moddalari noqonuniy savdosi va aylanmasi bilan bog‘liq qator jinoyatlar aniqlanmoqda. Bu haqda “Daryo”ga Namangan viloyat IIB matbuot xizmati ma’lum qildi.
2017-yil 25-may kuni Uychi tumanida o‘tkazilgan maxsus tadbir davomida Rovot shaharchasining “Qahramon” mahallasida yashovchi N0sir Mamatqulov juda ko‘p miqdorda — sof og‘irligi 4,046,14 gramm bo‘lgan marixuana giyohvandlik moddasini sotayotgan vaqtida qo‘lga olindi.
Hozirda Uychi tumani IIB tergov bo‘limi tomonidan Jinoyat kodeksining 273-moddasi, 5-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)