Xitoy yer va tabiiy zaxiralar vazirligi tabiiy gaz gidrati — “qaynoq muz” milliy zaxiralarini neft ekvivalentida 80 milliard tonnaga baholadi. Bu haqda Xitoy Geologiya xizmati direktori o‘rinbosari Li Szinfa ma’lum qildi, deya xabar beradi “Sinxua” agentligi.
Li Szinfaga ko‘ra, hozirda Xitoy sutkada taxminan 8350 kub metr yuqori tozalik darajasiga ega gazni qazib olmoqda. “Qaynoq muz” makoni Janubiy Xitoy dengizida, Chjuxay shahridan 320 kilometr janubi-sharqda joylashgan.
Xitoy “qaynoq muz” konlarini qidirish bo‘yicha ishlarni jadallashtirishi, ularning turli namunalarini olish uchun sinov tariqasida burg‘ulashlar o‘tkazishi, shuningdek, mazkur yo‘nalishda innovatsion texnologiyalarni rivojlantirishi bildirildi.
Eslatib o‘tamiz, o‘tgan oyda xitoylik neftchilar tarixda ilk bor Janubiy Xitoy dengizi tubidan “qaynoq muz” — yuqori bosim va past harorat ta’sirida kristall moddaga aylangan suv va tabiiy gaz birikmasini qazib olgani haqida xabar berilgandi.
Izoh (0)