Afg‘oniston poytaxti Kobuldagi dafn marosimi vaqtida yuz bergan ketma-ket portlashlar natijasida 20 kishi halok bo‘ldi. Bu haqda “Kommersant” xabar bermoqda.
Tolo News xabariga ko‘ra, hodisa oqibatida yana 87 kishi jabrlangan. Dastlabki ma’lumotlarga ko‘ra, uch portlash Saroi Shamoliy tumanida, Senat spikerining o‘rinbosari Salim Izodiyorning o‘g‘li dafn marosimida yuz bergan.
Dafn marosimida hukumat vakillari, xususan, ijroiya hokimiyati rahbari Abdullo Abdullo, shuningdek, bir necha senatorlar, parlament deputatlari va kuch tuzilmalari rahbarlari ham bo‘lgan.
Izoh (0)