AQSh prezidenti Donald Tramp mamlakatga qator musulmon davlatlari fuqarolari kelishini cheklovchi immigratsiya bo‘yicha farmoni amalda bo‘lishini tiklash yuzasidan Oliy sudga murojaat qildi. Bu haqda AQSh adliya vazirligi rasmiy vakili Sara Flores ma’lum qildi, deya xabar beradi “TASS”.
“Biz Oliy suddan bu muhim ishni ko‘rib chiqishni so‘radik. Prezident Trampning farmoni mamlakat xalqini terrorizmdan himoya qilish bo‘yicha qonuniy vakolatlariga to‘g‘ri keladi. Prezident davlat hududiga terrorizmga homiylik qiluvchi yoki himoya etuvchi mamlakatlardan kishilarni qabul qilishga majbur emas”, — dedi Sara Flores.
Oliy sudga yo‘llangan talabnomaning boshqa tafsilotlari ma’lum qilinmadi.
Eslatib o‘tamiz, Trampning mazkur farmoni ikki bor: avval Sietl, keyinchalik Gonolulu federal sudlari tomonidan blokirovka qilindi.
Izoh (0)