AQSh prezidenti Donald Tramp 1-iyun, payshanba kuni uning mamlakati Iqlim bo‘yicha Parij kelishuvidan chiqishini e’lon qildi. Bu haqda Reuters agentligi xabar bermoqda.
“Biz kelishuvdan chiqamiz”, — dedi Tramp Oq uydagi Pushti bog‘dagi marosimda. U Parij bitimi mamlakatga yuklaydigan “shafqatsiz” iqtisodiy va moliyaviy majburiyatni qoraladi.
“Amerika va uning fuqarolarini himoya qilishdek sharafli burchimni bajarishim uchun Qo‘shma Shtatlar Iqlim bo‘yicha Parij kelishuvidan chiqadi”, — deya qo‘shimcha qildi Tramp.
“Parij bitimi shartlarini bajarish 2025-yilga kelib Amerikaga 2,7 million yo‘qotilgan ish o‘rniga teng kelishi mumkin”, — dedi u.
Shu bilan birga u Qo‘shma Shtatlar Parij bitimiga qayta qo‘shilish bo‘yicha muzokaralarni boshlashi yoki Qo‘shma Shtatlar, uning tashkilotlari, ishchilari, odamlari va soliq to‘lovchilari uchun adolatli shartlar asosida yangi bitim tuzishi mumkinligini qo‘shimcha qildi.
Izoh (0)