Rossiyada “MTS” besh oy davomida marhum fuqaroga xizmatlar uchun hisob jo‘natib turdi

Rossiyada “MTS” aloqa operatori Yekaterinburg fuqarosining vafotidan keyin u bilan tuzilgan shartnomani bekor qilishdan bosh tortdi, natijada marhumning turmush o‘rtog‘iga besh oy davomida kompaniya xizmatlari uchun to‘lanadigan haq ko‘rsatilgan hujjatlar kelib turdi, deb yozadi Afisha Daily jabrlanuvchining qiziga tayanib.

“MTS” ofisiga ikki marta borib, erining o‘limi haqidagi guvohnomani ko‘rsatishiga qaramay, ayol aloqa operatori bilan shartnomaning bekor qilinishiga erisha olmadi.

Unga erining qarzdorligi bo‘lganligi tufayli, o‘lim shartnoma to‘xtatilishi uchun sabab bo‘la olmasligini, shu sababli u uchun har oyda to‘lash kerakligini aytishgan. Ayol notariusga borib, meros huquqini rasmiylashtirishi, so‘ng ofisga kelib shartnomani o‘zining nomiga qayta rasmiylashtirishi va merosxo‘r sifatida internet uchun to‘planib qolgan qarzni to‘lashi kerakligi, shundan keyingina shartnoma bekor qilinishi mumkinligini aytishgan.

Ammo keyinroq ayol ijtimoiy tarmoqlarda faollik ko‘rsatib, qarzdorlik bo‘lsa-da, shartnoma bekor qilinishiga erisha oldi, “MTS” kompaniyasi esa uzr so‘radi.