Rossiya prezidenti Vladimir Putin amerikalik rejissor Oliver Stounga bergan intervyusida o‘zining xavfsizlik xizmatiga ishonishini ma’lum qildi, deb yozadi “Kommersant”. Suhbatning to‘liq versiyasi film ko‘rinishida 12—15-iyun kunlari Showtime telekanali orqali namoyish etiladi.
Oliver Stoun Rossiya prezidentiga nisbatan besh marta suiqasd qilishga urinishganidan xabardorligini aytdi. “Ammo bu Fidel Kastroga uyushtirilgan suiqasdlardek ko‘p emas. Menimcha u bunday vaziyat bilan 50 martacha to‘qnash kelgan”, — dedi rejissor.
Vladimir Putin bunga javoban Fidel Kastro bilan suiqasd mavzusida suhbatlashganini aytdi. Rossiya prezidenti so‘zlariga ko‘ra, Kuba sobiq rahbari unga “doim o‘z xavfsizligi bilan shaxsan shug‘ullangani uchun” tirik ekanligini aytgan.
“Men o‘z ishimni qilaman. Xavfsizlik xodimlari esa o‘z ishini qiladi, va hozirgacha ular buni ancha muvaffaqiyatli amalga oshirib kelmoqda”, — deya qayd etdi Putin. U o‘z soqchilariga ishonishini ta’kidladi.
Izoh (0)