Xayfalik dizayner Liron Lavi Turkenich arab tilida va ivritda so‘zlashuvchi odamlar o‘qishi mumkin bo‘lgan alifboni o‘ylab topdi. Bu haqda Jerusalem Post’ga tayanib, Daily Afisha xabar bermoqda.
Shaharda yahudiy va arablar ko‘p yashashi, dizayner esa faqat ivrit tilini bilishi sababli unda alifbo yaratish fikri paydo bo‘ldi. Yangi alifbo “aravrit” nomini oldi.
Dizayner lotin tilidagi so‘zlarni o‘qish uchun harfning yarmini ko‘rish yetarli ekanligini anglagach, yangi tizim yaratish fikri paydo bo‘ldi. Arab tili uchun ham aynan shu usul qo‘llanilgan. Ushbu texnikani ivritda qo‘llab ko‘rgan Turkenich uni harfning pastki qismini ko‘rib o‘qish mumkinligini tushunib yetdi.
U yangi alifboda so‘zlarni hosil qilish tamoyilini videoda namoyish qildi. Yangi alifboda 638 ta belgi bo‘lib, ular bir vaqtning o‘zida ikki tilda so‘zlashuvchilar uchun ham tushunarli.
Izoh (0)