New Silk Road Oil And Gas korxonasi “O‘zbekneftgaz” va CNODC (Xitoy milliy neft-gaz korporatsiyasi — CNPC’ning sho‘ba korxonasi) bilan birgalikda Buxoro viloyatidagi gaz-kondensat konlarini jihozlashga kirishdi, deb yozadi “Gazeta.uz” “O‘zbekneftgaz”ga tayanib.
2013-yil sentabrida “O‘zbekneftgaz” va CNODC paritet asosda Qorako‘l investitsiya blokida konlarni qidirib topish va ishlab chiqish bo‘yicha korxona tuzgan edi. Korxonaning xomashyo bazasi uchta gaz-kondensat konlari — Xo‘jadavlat, Sharqiy Olot va Dengizko‘l konidagi Xo‘jasayot yer maydoni bo‘ldi.
Yaqinda Xo‘jasayot hududida konlarni jihozlash bo‘yicha ishlar boshlanishi munosabati bilan rasmiy marosim bo‘lib o‘tdi. Korxonaning litsenziyali maydonida konni jihozlash, shuningdek, 16 ta ekspluatatsiya quduqlarini qurish rejalashtirilmoqda, konlarda bir yilda qazib chiqariladigan qazilmalar hajmi 1 milliard kubometr tabiiy gaz va 6500 tonna kondensatga yetishi kerak.
378 million dollarlik loyiha korxonaning o‘z mablag‘lari, shuningdek, CNPC kafolati ostida Xitoy kreditlari hisobidan moliyalashtiriladi.
Izoh (0)