Yamanda bir oyda ichburug‘ va vaboga chalinganlar soni 42 ming kishidan oshdi

Yamanda bir oy ichida ichburug‘ va vaboga chalinganlar soni 42 ming kishidan oshdi. Xastalanish holatlari asosan poytaxt Sanoda hamda Haja va Amron viloyatlarida qayd etildi, deb xabar beradi “RIA Novosti”.

Butunjahon sog‘liqni saqlash tashkiloti ma’lumotlariga qaraganda, 27-apreldan 24-mayga qadar Yamanda 42207 xasta ro‘yxatga olingan. 420 kishi kasallik tufayli olamdan o‘tgan. Vabo bilan xastalanish holatlarining 313 tasi laboratoriya yo‘li bilan tasdiqlandi.

O‘lim holatlari 2016-yil oktabridan 2017-yil martiga qadar kuzatilgan holatlardan uch barobarga ko‘proqdir.