“Neftchi” eng past ko‘rsatkichini qayd etayotgan kunda Yuriy Sarkisyan 70 yoshni qarshi oldi

Umrining katta qismini Farg‘onaning “Neftchi” klubi uchun sarflagan Yuriy Sarkisyan 70 yoshga to‘ldi.

“Bunyodkor” stadionida faxriy murabbiyning yubileyi munosabati bilan tadbir tashkil etildi, deb yozdi “Championat.asia” nashri.

O‘zbekistonda xizmat ko‘rsatgan murabbiy, “Do‘stlik” va “Mehnat shuhrati” ordenlari sohibi Yuriy Vazgenovich 70 yoshga qadam qo‘yishidan bir kun oldin “Neftchi”da navbatdagi bor rahbariyat almashib, Tohir Kapadze vitse-prezident sifatida tanishtirilgandi.

Ma’lumot uchun, Yuriy Sarkisyan boshqaruvida “Neftchi” besh karra O‘zbekiston chempionligi va ikki marta mamlakat kubogini qo‘lga kiritgandi. Ayni paytda esa jamoa Oliy ligada 15-o‘rinni egallab turibdi.