Vazirlar Mahkamasi qarori bilan joylardagi ijro organlari rahbarlari uchun xizmat turar-joylari qurish, taqsimlash, foydalanish va ta’mirlash tartibi to‘g‘risidagi Nizom tasdiqlandi. Bu haqda Norma xabar bermoqda.
Mazkur hujjatga ko‘ra, 1 qavatli, 5 xonali, 0,06 gektar maydonga ega xizmat uylari Vazirlar Kengashi va viloyat hokimliklari, 2 qavatli, 4 xonali, 0,04 gektar maydonga ega uylar esa tuman hokimliklari rahbarlari uchun quriladi.
Xizmat uylari mahalliy budjet hisobidan minimal darajada zarur mebel, maishiy texnika va boshqa xo‘jalik buyumlari bilan jihozlanadi. Ularga joylashish va beg‘araz foydalanish shartnomasini tuzish uchun xizmat uyi uchun berilgan order asos bo‘lib xizmat qiladi.
Xizmat uylarini bo‘lish, almashtirish va xususiylashtirish mumkin emas. Ulardan boshqa maqsadlarda foydalanish, shuningdek, ijaraga berish man etiladi.
Ushbu uylarning kommunal to‘lovlari ularda yashovchi davlat xizmatchilari, ularning oila a’zolari tomonidan shaxsiy mablag‘i hisobidan to‘lanadi yoki maoshidan ushlab qolinadi.
Mansabdor lavozimini tark etganda xizmat uyini bo‘shatishi shart.
Izoh (0)