“Monako”ning 18 yoshli hujumchisi Kilian Mbappeni qo‘lga kiritish istagida bo‘lgan “Manchester Siti” va “Real” klublari futbolchining transfer narxini 130 million yevroga olib chiqdi.
“Monako”ning Fransiya chempioni bo‘lishida va Yevropa Chempionlar ligasining yarim finaliga yetib kelishida hissa qo‘shgan futbolchi sotilsa, bu futbol tarixidagi eng qimmat transferga aylanadi. Hozircha “Manchester Yunayted” sobiq tarbiyalanuvchisi Pol Pogbani 105 millionga sotib olib, futbol tarixidagi eng qimmat transfer egasi bo‘lib turibdi.
Norasmiy manbalar “Real” Mbappe uchun 120 million yevro berishni istagani, “Monako” esa bunga rozi bo‘lmay, futbolchini jamoada olib qolishga harakat qilgani haqida aytgandi. 130 millionlik narx esa “Monako”ni jiddiy o‘ylantirib qo‘yishi kata ehtimol. 18 yoshli futbolchining bunday narxga sotilishi haqiqiy sensatsiya bo‘ladi.
Izoh (0)