Janubiy Koreya KXDR raketa uchirgandan so‘ng unga qarshi qat’iy choralar qo‘llashga va’da berdi

Janubiy Koreya TIV KXDR tomonidan ballistik raketa uchirilganligini qoraladi va mazkur mamlakatga qarshi keskin choralar qo‘llashga va’da berdi. Bu haqda “Ryonxap” agentligi xabar berdi, deb yozadi “RIA Novosti”.

“Raketa uchirilishi BMT Xavfsizlik kengashi rezolyutsiyasini oshkora buzish hisoblanadi va nafaqat Koreya yarimoroli, balki global dunyo va xavfsizlik uchun jiddiy tahdid uyg‘otadi. Hukumat provokatsiyalarga yo‘l qo‘ya olmaydi va keskin choralar qo‘llaydi”, — deyiladi vazirlik bayonotida.

29-may, dushanba kuni Vonsan shahri hududidagi sharqiy sohildan uchirilgan KXDR raketasi olti daqiqa uchib, 450 kilometr masofani bosib o‘tdi.