Poytaxt Toshkent para-dzyudo bo‘yicha Osiyo hamda Okeaniya mintaqalari chempionatiga mezbonlik qildi. Bunday tipdagi musobaqa ilk bor tashkil etildi, deb ma’lumot berdi O‘zbekiston paralimpiya qo‘mitasi matbuot xizmati.
26-may kuni ochilish marosimi o‘tkazilgan musobaqa 28-may kuni o‘z nihoyasiga yetdi. “Universal” sport saroyida o‘tgan turnir 2020-yil Tokioda bo‘lib o‘tadigan yozgi Paralimpiada o‘yinlariga reyting ochkolarini berishi bilan ajralib turardi. Shu boisdan unda qit’aning para-dzyuda eng oldi mamlakatlari ishtirok etdi: Eron, Janubiy Koreya, Hindiston, Iroq, Tojikiston, Xitoy Taypeyi, Tailand, Qozog‘iston va O‘zbekiston.
O‘zbekiston delegatsiyasi musobaqani 9 ta oltin, 2 ta kumush va 7 ta bronza medallari bilan umumjamoa xisobida 1-o‘rinda yakunlashga muvaffaq bo‘ldi. 3 ta oltin, 3 ta kumush va 3 ta bronza medali bor Janubiy Koreya ikkinchi, 2 ta oltin, 2 ta kumush va 3 ta bronzaga ega chiqqan Eron uchinchi o‘rin bilan cheklandi.
Izoh (0)