Fransiyaning markaziy mintaqasi bo‘lmish Il-de-Fransda mahalliy aholi vakillari jazirama havoda yuvinib, tetiklashish uchun 300 ta o‘t o‘chirish gidrantini sindirdi. Bu haqda BFMTV xabar bermoqda.
Bu kabi o‘ziga xos favvoralar bolalarga juda yoqib tushdi — ular suv ichida o‘ynab, cho‘milib yurdi. Ammo mahalliy hokimiyat vakillari gidrantning sindirilishi aslida ma’muriy qoidabuzarlik ekanligini eslatib o‘tdi.
Bundan tashqari, suv oqimlari tufayli yerto‘lalar va yer osti avtoturargohlarni suv bosishi mumkin.
Parij va uning atrofida oxirgi kunlarda havo harorati 30 darajadan oshmoqda.
Izoh (0)