Buyuk Britaniyaning British Airways aviakompaniyasi reyslarining yoppasiga bekor qilinishiga olib kelgan kompyuter buzilishi oqibatida kompaniya ko‘rgan zarar 150 million funt sterlingdan (190 million dollar) oshishi mumkin. Bu haqda, Times nashriga asoslanib, “Gazeta.ru” xabar berdi.
Har bir yo‘lovchiga to‘lanadigan tovon puli 225–540 funt sterlingni tashkil qilishi mumkin.
Aviatsion ekspert Govard Uildonning so‘zlariga qaraganda, tovon pulining umumiy hajmi 100 million funtdan oshib ketishi ham mumkin.
Kompaniyaning Xitrou va Gatvik aeroportlaridan uchadigan barcha reyslari 27-mayga qadar bekor qilingan edi. Bunga sabab sifatida tarmoqdagi jiddiy xatolik ko‘rsatildi.
Izoh (0)