Kataloniyaning “Barselona” klubi ketma-ket uchinchi bor Ispaniya kubogini qo‘lga kiritdi.
Madriddagi “Visente Kalderon” stadionida kechgan finalda Luis Enrike shogirdlari “Alaves” ustidan 3:1 hisobida muvaffaqiyat qozondi.
Mazkur bellashuv Luis Enrikening “Barselona” bosh murabbiyligidagi so‘nggi o‘yini bo‘ldi. Shuningdek, “Visente Kalderon” stadioni ham tarixdagi so‘nggi rasmiy uchrashuvga mezbonlik qildi. Kelasi mavsumdan boshlab “Atletiko” uy uchrashuvlarini yangi qurilgan stadionda o‘tkazadi.
Ma’lumot uchun, o‘tgan yilgi kubok finali ham xuddi shu arenada o‘tib, “Barselona” qo‘shimcha daqiqalarda kiritilgan ikki gol evaziga “Sevilya”ni mag‘lub etgandi. Undan oldingi finalda esa Bilbaoning “Atletik” klubi taslim qilingan — 3:1.
“Barselona” Ispaniya kubogida eng ko‘p marta zafar quchgan klub hisoblanadi — 29 ta sovrin. Bilbaoning “Atletik” klubi finalda 23 bor zafar quchgan bo‘lsa, Madridning “Real” klubida kuboklar soni 19 tani tashkil qiladi.
Ispaniya kubogi Final 27-may, shanba