Iroq ma’muriyati Mosuldagi ayollarning niqob o‘rab yurishini taqiqladi. Sky News xabariga ko‘ra, mazkur taqiq xavfsizlik nuqtai nazaridan joriy etilgan.
Xabar berishlaricha, IShID jangarilari boshni yopib turuvchi liboslardan foydalanib, yashirinishi mumkin, shu sababli mazkur taqiq joriy etilgan.
Bundan tashqari, mahalliy vaqt bilan soat 18:00 dan so‘ng mototsiklda harakatlanish ham taqiqlandi. Belgilangan tartibni buzganlar jazolanishi aytilmoqda.
Shuningdek, elektronika mahsulotlari bilan savdo qiluvchi do‘kon egalariga telefon va sim-karta sotib olgan har bir xaridor haqidagi axborotni to‘plab borish majburiyati yuklangan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)