Estoniya AQSh va boshqa ittifoqdosh hamda sheriklar bilan IShIDga qarshi koalitsiyada ehtimoliy ishtiroki bo‘yicha muzokaralar olib bormoqda. Bu haqda “Interfaks” ma’lum qildi.
Bugungi kunda mamlakat Iroqdagi mashg‘ulot missiyasida ishtirok etmoqda va u yerga 10 nafar harbiy xizmatchisini jo‘natgan. Shuningdek, hozirda parlament shifokorlar va sapyorlar tayyorlash uchun yana 5 nafar yo‘riqchi jo‘natish masalasini muhokama qilmoqda.
“NATO sammitida Iroqda IShIDga qarshi harakatlarni kuchaytirishga qaror qilindi. Estoniya Yaqin Sharqqa jangovar bo‘linma jo‘natishni ham o‘ylab ko‘rishi lozim. Bu masala yuzasidan maslahatlashuvlar olib bormoqda”, — dedi Estoniya mudofaa vaziri Margus Saxkna.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)