Facebook kompaniyasi rahbari Mark Sukerberg Garvard universitetidan haydalganidan so‘ng 12 yil o‘tib, ushbu OTMdan faxriy ilmiy darajani qabul qilib oldi, deb yozadi “TASS” universitetning rasmiy saytiga tayanib.
Hujjatda aytilishicha, tadbirkor Time va Forbes jurnallari versiyasiga ko‘ra, dunyoning eng nufuzli odamlari reytingiga kiritilgan, shuningdek, milliardlab dollar mablag‘ni xayriyaga sarflagan. “Sukerberg Facebook’ni Palo-Altoga ko‘chirgunicha Garvard universitetida informatikani o‘rgangan”, — dedi ta’lim muassasasi vakili. Facebook rahbari faxrli yuridik fanlar doktoriga aylandi.
Sukerberg 2005-yilda universitetning Harvard Crimson nashriga o‘qishga qaytmoqchi emasligini rasman ma’lum qilgan edi. O‘sha vaqtdayoq Facebook ko‘pmillionli investitsiyalarni jalb qilishni boshlagan edi. Tadbirkor 25-may, payshanba kuni ijtimoiy tarmoqlarga akademik libosda ota-onasi bilan qo‘lida diplom ko‘tarib tushgan suratini joyladi va “Oyi, men sizga doim ilmiy darajamni olish uchun qaytib boraman, deb aytardim”, — deya izoh yozdi.
Izoh (0)