Xitoy janubida joylashgan Guandun provinsiyasidagi shifokorlar guruhi o‘tkir zaharlanish bilan kelgan bemor hayotini saqlab qolish uchun sanoqli vaqt ichida 8000 ta atropin ampulasini qo‘lda ochishlariga to‘g‘ri keldi. Ish davomida bir nechta tibbiyot xodimlari barmoqlarini sindirib ham oldi, deb xabar berdi “Vesti.ru”.
China Daily’ning ma’lum qilishicha, zararli hasharotlarga qarshi qo‘llaniladigan dorini iste’mol qilgan bemor komaga tushgan holda 18-may kuni Shantou shahridagi universitetning tibbiyot kolleji shifoxonasiga olib kelingan.
Fosfat bilan zaharlanishda unga qarshi asosan atropin ishlatiladi. Ushbu dori shifoxonada bo‘lgan, biroq juda kichkina ampulalarda. Natijada 8 shifokordan iborat guruh 12 soat davomida 8000 mingta shisha ampulani ochishiga to‘g‘ri kelgan. Biroq shuncha atropin yetmay qolganligi sabab yaqin atrofdagi tibbyot muassasalaridan qo‘shimcha dori so‘rashga majbur bo‘lishgan.
Xabar berilishicha, ba’zi shifokorlar ampulani ochayotib qo‘llarini shikastlab, hatto barmoqlarini sindirib ham olgan.
Izoh (0)