National Geographic O‘zbekistonga safarini vaqt bo‘ylab sayohatga qiyosladi (foto)
National Geographic’ning Rossiyadagi bo‘limi O‘zbekistonga fotosayohat uyushtirdi. Sayohat ishtirokchilari o‘z taassurotlari bilan bo‘lishdi.
Foto: National Geographic
Vaqt bo‘ylab sayohat
Foto: National Geographic
Foto: National GeographicBoshqa davrga tushib qolganlik hissi bizda Moskvadan Samarqandga uchib kelgandayoq paydo bo‘ldi va butun sayohat chog‘ida tark etmadi. Bu yerda 500 yil avval bo‘lgani kabi, odamlar oziq-ovqatlarni bozorlarda sotib olmoqda, oddiy o‘tkinchilar milliy liboslar kiyib yuribdi va hatto eng kichik kafeda ham sizga chiroyli sopol idishlarda choy keltiradi. Bu yerda hamma narsadan qadimiylik ufurib turibdi: O‘zbekiston hukumati o‘tmishdan qolgan merosga g‘amxo‘rlik bilan munosabatda bo‘ladi.
Mahalliy aholi
Foto: National Geographic
Foto: National GeographicMahalliy aholi shunchalik yorqinki, biz fotoapparatlarni qo‘limizdan tushira olmadik. Ba’zan esa biz emas, bizni ham suratga tushirishdi. Ko‘chalardagi o‘tkinchilar, bozorlardagi sotuvchilar, ofitsiantlar, umuman hamma bizga kutilgan mehmon ekanligimizni bildirishga urindi va bu hissiyot bizni butun sayohat davomida tark etmadi.
Taomlar
Foto: National Geographic
O‘zbek taomlari va sharqona dasturxon haqida fotosayohat ishtirokchilari hali ko‘p gapirib yuradi. Birinchidan, O‘zbekistonda “porsiya” so‘zi umuman boshqacha tushuniladi. U yerda likopning chetlari ko‘rinmaydi. Ikkinchidan biz kattaroq jomadon olmaganimizga juda tez achinishni boshladik, chunki o‘zimiz bilan mazasining tengi yo‘q shirinliklarni ham, ziravor va quruq mevalarni ham olib ketishni istadik.
Biz uchun sayohatning asosiy yakuni shu bo‘ldiki, biz O‘zbekistonga albatta qaytamiz. Ammo kelasi safar o‘zimiz bilan kattaroq jomadonlarni olamiz, deya mualliflar maqolaga xulosa yasadi.
Izoh (0)