O‘zbekiston Respublikasi Bosh vaziri Abdulla Aripov Tatariston poytaxtiga keldi. “Qozon” xalqaro aeroportida uni respublika prezidenti Rustam Minnixanov kutib oldi. Bu haqda “Biznes Online” xabar bermoqda.
Abdulla Aripov 26-may, juma kuni MDH hukumat rahbarlari kengashi yig‘ilishi doirasidagi tadbirlarda ishtirok etadi.
Yig‘ilish kun tartibidan MDH davlatlari innovatsion hamkorligi dasturining bajarilishi, kontrafakt mahsulotlar ishlab chiqarish va tarqatishga qarshi kurash bo‘yicha kelishuv, intellektual mulq huquqiy himoyasi bo‘yicha davlatlararo kengash tuzish, shuningdek, MDH mamlakatlari hududida uyushgan jinoyatchilik va jinoyatchilikning boshqa xavfli turlariga qarshi kurashni muvofiqlashtirish byurosi haqidagi nizomga o‘zgartirishlar kiritish kabi masalalar o‘rin olgan.
Izoh (0)