Amerika, Daniya va kanadalik olimlar shokoladning o‘rtacha porsiyasini muntazam iste’mol qilish yurak bo‘lmasi fibrillyatsiyasining yuzaga kelish xavfini kamaytirishini aniqladi. Tegishli tadqiqot Heart jurnalida chop etildi, deb yozadi Garvard universiteti.
Shokolad iste’mol qilish va yurak bo‘lmasi fibrillyatsiyasining yuzaga kelishi o‘rtasidagi eng kuchli bog‘liqlik ayollar bir haftada bir porsiya (30 gramm), erkaklar esa ikkitadan oltitagacha porsiya shokolad iste’mol qilgan holatlarda qayd etildi. Birinchi holatda yurak bo‘lmasi fibrillyatsiyasining yuzaga kelish ehtimoli 21 foizga, ikkinchi holatda esa 23 foizga kamaygan.
Tadqiqot mualliflari daniyalik 55 ming erkak va ayol sog‘lig‘i bilan bog‘liq ma’lumotlarni tahlil qilgandan keyin yuqoridagi xulosaga keldi.
Mutaxassislar sutli emas, qora shokolad ko‘proq foydali ekanligini ta’kidlaydi.
Izoh (0)