Angliyaning “Manchester Yunayted” klubi Yevropada nufuzi jihatdan ikkinchi raqamli klublar musobaqasi hisoblangan Yevropa ligasida zafar quchdi.
Stokgolmdagi “Frends Arena”da o‘tgan final bellashuvida “Yunayted” futbolchilari Amsterdamning “Ayaks” klubiga qarshi saf tortdi va 2:0 hisobida zafar quchdi. Gollar mavsum avvalida “mankunianlar” safiga kelib qo‘shilgan Pol Pogba hamda Genrix Mxitaryan tomonidan urildi.
Mazkur g‘alaba “Yunayted” uchun Chempionlar ligasi eshiklarini ochib berdi va Joze Mourinyo shogirdlari tanaffusdan so‘ng eng nufuzli klublar musobaqasiga qaytishga muvaffaq bo‘ldi. Gollandiya vitse-chempioni sifatida “Ayaks” bu vazifani oldinroq uddalab bo‘lgandi.
Mourinyo “Yunayted”dagi ilk mavsumidayoq 3 ta sovrin yutib oldi. O‘zining birinchi o‘yinidayoq “Lester”ni taslim qilib, Angliya Superkubogini yutgan manchesterliklar, keyinroq Angliya Liga kubogida zafar quchdi. Va mana endi ular Yevropa ligasida muvaffaqiyat qozondi.
Yevropa ligasi Final 24-may, chorshanba
Izoh (0)