AQShning Nyu-Jersi shtatidagi Newark Liberty aeroportida samolyot dvigateli alangalanishi tufayli 5 kishi jarohatlandi. Bu haqda “Gazeta.ru” xabar bermoqda.
“Aeroport samolyot dvigateli alangalanishi bilan bog‘liq hodisadan yana o‘z faoliyatini tikladi. 5 kishi arzimas darajada yaralangan. Tungacha reyslarda kechikishlar kuzatilishi mumkin”, — deyiladi aeroportning Twitter’dagi sahifasida.
United Airlines aviakompaniyasi vakili Jonatan Gering “samolyot ekipaji dvigatellardan biridagi alangalanish haqida xabar topgach, zudlik bilan harakatlanayotgan havo kemasini ortga qaytargani va yo‘lovchilarni evakuatsiya qilgani”ni bildirdi.
Aviakompaniya yo‘lovchilarni o‘z manzili — San-Fransiskoga tezroq yetkazish chorasini ko‘rmoqda.
Izoh (0)