Rossiya prezidenti Vladimir Putin 2018-yilda bo‘lib o‘tadigan prezidentlik saylovida mustaqil nomzod sifatida qatnashishi mumkin, deb xabar berdi “Gazeta.ru”.
Nashrga ma’lum bo‘lishicha, prezidentlik kampaniyasining ssenariysidagi ushbu variant prezident ma’muriyatining ichki siyosiy blokida muhokama qilinmoqda.
Bu xabarni Kremlga yaqin bo‘lgan to‘rtta manba tasdiqladi. Ularning so‘zlariga ko‘ra, so‘nggi qarorni prezidentning o‘zi, sentabrda hududlarda bo‘lib o‘tadigan saylovlardan so‘ng qabul qiladi.
Prezident matbuot kotibi Dmitriy Peskov qaror keyinroq qabul qilinishiga shama qildi.
“Hozircha bungacha yetib bormadi”, — dedi Kreml rasmiy vakili.
Avvalroq, Pekindagi matbuot anjumanida Putin 2018-yilda bo‘lib o‘tadigan saylovda ishtiroki bo‘yicha berilgan savolga javob berishni istamagan edi.
Izoh (0)