O‘zbekistonda tadbirkor xotin-qizlar uchun tanlovlar e’lon qilindi

O‘zbekiston Xotin-qizlar qo‘mitasi qator davlat va jamoat tashkilotlari bilan hamkorlikda mahallalarda aholi, xususan, ayollar bandligini ta’minlash maqsadida “Mahallaning eng namunali tadbirkor ayoli” respublika tanlovini e’lon qiladi. Bu haqda “Daryo”ga qo‘mita mutasaddilari ma’lum qildi.

Ishtirokchilar quyidagi nominatsiyalari bo‘yicha bellashadi:

• “Ishlab chiqarish sohasida mahallaning eng namunali tadbirkor ayoli”;
• “Servis sohasida mahallaning eng namunali tadbirkor ayoli”;
• “Qishloq xo‘jaligi sohasida mahallaning eng namunali tadbirkor ayoli”.

Tanlovning tuman (shahar) bosqichi g‘oliblari diplom, kredit mablag‘i kafolatlangan sertifikat va qimmatbaho sovg‘alar bilan taqdirlanadi.

Shuningdek, qo‘mita davlat va jamoat tashkilotlari bilan hamkorlikda yoshlarning tadbirkorlik sohasidagi tashabbuslarini qo‘llab-quvvatlash, bandligiga ko‘maklashish, ularga imtiyozli kreditlar berilishini ta’minlash maqsadida kollejlarning 2016—2017-o‘quv yili bitiruvchilari—tadbirkor qizlari o‘rtasida “Tadbirkor qizning eng yaxshi loyihasi—2017” respublika ko‘rik-tanlovini ham e’lon qiladi.

Ko‘rik-tanlov 4 bosqichda o‘tkaziladi:

• Kasb-hunar kollejlari bosqichi may oyida;Tuman (shahar) bosqichi iyun oyida;Viloyat bosqichi avgust oyida;Respublika bosqichi sentabr—oktabr oylarida.