Yaponiya politsiyasi o‘tgan yil dekabrida 600 million iyenaga teng (5,4 million dollar) oltin quymalar turkumini aldov yo‘li bilan qo‘lga kiritishga aloqadorlikda gumon qilib, 10 dan ortiq kishini qo‘lga oldi. Bu haqda “TASS” xabar bermoqda.
NHK telekanaliga ko‘ra, tergov videokuzatuv manbalari tahlili va qimmatbaho metallar savdosiga aloqador kompaniya va do‘konlar tekshiruvi yo‘li bilan amalga oshirildi.
Hodisa 2016-yil 14-dekabrda Kyusyu orolidagi Fukuoka shahrida yuz berdi. Olibsotarlar guruhi jomadonlarda 100 kilogrammdan ortiq tillani qimmatbaho metallar savdosi bilan shug‘ullanuvchi kompaniyaga olib ketayotganida ularni politsiya kiyimidagi kishilar to‘xtatadi. Ular kontrabandaga qarshi kurash bahonasida yukni tortib oladi va mashinada yashirinadi.
Qo‘lga olinganlar orasida bevosita jinoyatga aloqador shaxslar va o‘g‘irlangan quymalarning bir qismini sotishga yordam bergan savdogarlar borligi bildirilmoqda.
Izoh (0)