Ukraina prezidenti Pyotr Poroshenko turmush o‘rtog‘i bilan Kiyevda bo‘lib o‘tayotgan “Kitob arsenali” xalqaro festivaliga tashrif buyurdi. Bu haqda “Korrespondent.net” xabar bermoqda.
“Bu yerdagi beqiyos muhit meni hayratga soldi. Festivalga kirishdagi uzundan-uzoq kutish meni quvontirgan yagona navbat bo‘lsa ajab emas”, — deya ta’kidladi Poroshenko.
Ukraina prezidenti san’at tarixiga oid adabiyotlar, jumladan, “Kazimir Malevich. Kiyev davri, 1928—1930-yillar”, “Sof san’at katalogi”, shuningdek, bolalar uchun kitoblarni xarid qildi.
Poroshenko hozirda Kanada tashqi ishlar vaziri bo‘lgan Xristi Frilandning “Plutokratlar: global darajadagi o‘ta boy shaxslarning gullab-yashnashi va qolgan barchaning tanazzuli” deb nomlangan kitobini ham sotib oldi. Unda plutokratiya — davlatning badavlat tabaqa manfaatlariga xizmat qilishi va mehnatkashlar huquqi poymol etilishi jarayoni aks etgan.
Izoh (0)