3 ta penalti va 4 ta qizil ko‘rsatgan andijonlik hakam eng ko‘p muxlis kelgan o‘yinda ishlagan

Futbol bo‘yicha O‘zbekiston Oliy ligasining 11-turida eng ko‘p muxlis “Buxoro” — “Navbahor” o‘yiniga tashrif buyurgan, deb yozdi “Championat.asia” nashri.

11-tur davomida stadionlarga jami 37.440 muxlis kelgan. Bu Angliya Premyer-ligasining 1 ta o‘yini uchun tashrif buyuradigan muxlislarning o‘rtacha ko‘rsatkichiga teng.

Vodiyda kechgan “Qo‘qon—1912” — “Lokomotiv” o‘yiniga ham 10 mingdan ziyodroq muxlis keldi, biroq qo‘qonliklar bu borada Buxorodagidan biroz kamroq ko‘rsatkich qayd etgan.

So‘nggi turning eng shov-shuvli o‘yini eng ko‘p muxlis tashrif buyurgan uchrashuvda kuzatilgani e’tiborga molik. Andijonlik referi Temur To‘xtasinov “Navbahor” darvozasiga 3 ta penalti tayin qilib, har ikki klub bosh murabbiylarini maydondan chetlatgandi.

Oliy liga. 11-tur tomoshabinlari