Ozish uchun qanday yugurish kerak?

“Ortiqcha vazndan qutulish, ozish, xushbichim va sog‘lom bo‘lish uchun qanday yugurish kerak?” – bu yoz fasli yaqinlashishi bilan ayollar o‘rtasida eng keng tarqaladigan savollardan biri.

Bugun biz siz xohlagandek natijaga erishish uchun yugurishni qanday tarzda amalga oshirish yo‘llari to‘g‘risida aytmoqchimiz.

Mos keluvchi vaqtni tanlaymiz

6.30 dan 7.30 gacha. Mushaklar faolligi avj olishining birinchi bosqichi. Bu vaqtda organizm kaloriyani osonlikcha sarflaydi, shuning uchun yugurish uchun eng qulay vaqt hisoblanadi.

11.00 dan 12.00 gacha. Mushaklar faolligi avj olishining ikkinchi bosqichi. Bu vaqtda ham yugurish yaxshi, chunki organizm faolligi oshgani uchun kaloriyani tezroq sarflaydi.

16.00 dan 18.00 gacha. Mushaklar faolligi avj olishining uchinchi bosqichi. Bu vaqtda organizm yog‘ to‘qimalarida yig‘ilib qolgan kaloriyani sarflaydi. Bu esa ozishga yordam beradi.

Ozish uchun och qoringa, ovqatlangandan 2 soat keyin yugurish eng to‘g‘ri vaqt hisoblanadi.

Joyini aniqlab olamiz

O‘zingizga qayerda yugurish qulay bo‘lsa, o‘sha yerda yugurishingiz mumkin. Agar qancha masofaga yugurganingizni bilishni xohlasangiz, unda yaxshisi stadionda yuguring.

Harakat sur’ati va tezligi

Organizm quvvatni uglevodlar zaxirasini ishlatish yo‘li bilan birinchi 40 daqiqa ichida sarf qiladi. Yugurishning 40-daqiqasidan so‘ng esa ko‘proq quvvat talab qiluvchi yog‘lar parchalana boshlaydi.

Shuning uchun, yugurishga bir haftada 3 marta, 1 soatdan kam bo‘lmagan vaqt talab qilinishini unutmang.

Nafas olish

Nafasni yarim ochiq og‘iz va burun orqali olish tavsiya qilinadi. Yugurishning boshlanishida chuqur va siyrak, tezlashganda esa tez-tez nafas oling.

Har 2—3 qadamda nafas oling va har 2—3 qadamda esa nafas chiqaring.

Yugurish uchun kiyim va poyabzal

Yugurish uchun maxsus “running” belgisi bo‘lgan krossovka tanlang. Ularning o‘kchasiga maxsus yostiqchalar qo‘yiladi, havo o‘tkazadi va bukiladigan joylari yumshoq bo‘ladi.

Kiyim sport uchun mo‘ljallangan, erkin va harakatga to‘sqinlik qilmaydigan bo‘lishi kerak. Sovuq va shamolli ob-havoda issiqroq kiyingan ma’qul. Ayniqsa bo‘yin va bosh sohasiga, chunki yugurish paytida tananing aynan shu qismlari 40 foizgacha issiqlikni yo‘qotadi.

Yugurish paytida suv ichish rejimi

Yugurish vaqtida odatdagidan ko‘ra 4 marta ko‘proq suv yo‘qotiladi, shuning uchun albatta suv ichish zarur.

Manba: “Lady.tochka.net”