Namangan shahridagi “Shodiyona” tantanalar majmuasida “Prezident e’tibori – muruvvat tadbirlarida” shiori ostida Namangan, Norin, Mingbuloq va Kosonsoy tumanlaridan 15 juft kelin-kuyovning nikoh to‘yi o‘tkazildi. Bu haqda O‘zA xabar bermoqda.
Hamjihatlik, bag‘rikenglik, mehr-oqibat va saxovatpeshalik kabi xalqimizga xos olijanob fazilatlarning yana bir ifodasi bo‘lgan mazkur tadbir viloyat hokimligi, viloyat kasaba uyushmalari tashkilotlari birlashmasi, xotin-qizlar qo‘mitasi hamkorligida tashkil etildi. Unda kelin-kuyovlarning ota-onalari, do‘stu yorlari, mehnat faxriylari, davlat va jamoat tashkilotlari vakillari, keng jamoatchilik ishtirok etdi.
To‘y marosimida yosh oilalarga Prezident sovg‘asi – mebellar to‘plami, viloyat hokimligi va boshqa homiy tashkilotlarning tuhfalari va nikoh guvohnomasi tantanali ravishda topshirildi.
Izoh (0)