AQSh prezidenti mutlaqo maxfiy axborot bilan o‘rtoqlashish huquqiga ega. Bu haqda nufuzli respublikachilar — Lindsi Grem va Senat qurolli kuchlar qo‘mitasi raisi Jon Makkeyn tomonidan tarqatilgan qo‘shma bayonotda ma’lum qilindi, deya xabar beradi “TASS”.
“Biz, albatta, prezident maxfiy ma’lumotlar tarqatishini istamaymiz. Biroq u chindan ham shunday huquqqa ega, chunki bosh qo‘mondon hisoblanadi”, — deyiladi mazkur bayonotda.
Shu bilan birga, senatorlar yetarlicha aniq dalillar paydo bo‘lmagunicha Rossiyaga maxfiy ma’lumotlar taqdim etilishi atrofidagi mojaroga izoh bermasliklarini bildirdi.
Oldinroq The Washington Post nashri Donald Tramp Oq uydagi muzokaralar chog‘ida Rossiya tashqi ishlar vaziri Sergey Lavrov va Rossiyaning AQShdagi elchisi Sergey Kislyakka IShID to‘g‘risidagi mutlaqo maxfiy ma’lumotni yetkazganligini taxmin qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)