Afg‘on harbiylari Tojikiston bilan chegaradagi Qal’ai Zol tumanini (Qunduz viloyati) o‘z nazoratlariga qaytarganini ma’lum qildi. Bu haqda “Interfaks” xabar bermoqda.
Ariana News telekanali 16-may, seshanba kuni to‘g‘ridan-to‘g‘ri efirda hukumat kuchlari tuman markaziga yaqinlashayotganini ko‘rsatdi.
Jangovar harakatlar markaziy dahalarda ketayotgani, hukumat kuchlarining harakatlanishi jangarilar chekinayotganda yo‘llarda ko‘plab minalar qoldirgani sababli qiyin kechayotgani bildirilmoqda.
Jangarilar 5-may kuni tumanga hujum uyushtirgan va ertasiga Qal’ai Zolda to‘liq nazorat o‘rnatgandi.
Izoh (0)