KXDR yetakchisi Kim Chen In raketa sohasidagi olimlar va texnologlarga “yangi sinovlarga tayyorlanish” haqida ko‘rsatma berdi, deb yozadi “TASS” Koreya markaziy telegraf agentligiga tayanib. Bu haqda u 14-may kuni o‘tkazilgan o‘rta masofaga uchuvchi “Xvanson-12” ballistik raketasi sinovidan keyin aytib o‘tdi.
“Yanada aniqroq va diversifikatsiyalangan yadro qurilmalari va zarba vositalarini yaratish, shuningdek, AQSh va uning vassallari to‘g‘ri tanlovni amalga oshirmaguniga qadar davom etadigan yangi sinovlarga tayyorlanish kerak”, — dedi yetakchi.
Kim Chen In KXDRni “tiyib turish bo‘yicha qudratli harbiy salohiyatga ega yadro mamlakati” deb atadi va “AQSh xalq respublikasiga nisbatan harbiy gij-gijlashni amalga oshirishga jur’at qilsa, Pxenyan javob qaytarishga tayyor”ligini ta’kidladi.
Izoh (0)