KXDR g‘arbiy sohil yaqinida noma’lum turdagi reaktiv snaryadni uchirdi. Bu haqda, Janubiy koreyalik harbiylarga tayanib, Reuters agentligi xabar bermoqda, deb yozadi “RIA Novosti”.
Uchirilgan snaryad ballistik raketa bo‘lishi mumkinligi ma’lum qilinmoqda.
O‘z navbatida, “Ryonxap” agentligining Janubiy Koreya shtablar rahbarlari birlashgan qo‘mitasiga tayanib xabar berishicha, KXDR 4-may, payshanba kuni yangi sinov doirasida ballistik raketa uchirganligi taxmin qilinmoqda.
“Shimoliy Koreya bugun tongda Pxyonan-Pukto provinsiyasi Kuson uyezdi hududidan noma’lum turdagi raketa parvozini amalga oshirdi”, — deyiladi Koreya Respublikasi qurolli kuchlari shtablar rahbarlari birlashgan qo‘mitasi xabarida.
Yaponiya rasmiylari Shimoliy Koreya raketasi taxminan 30 daqiqa uchib, Yaponiya maxsus iqtisodiy zonasiga yetmasdan Yapon dengiziga qulaganligini ta’kidlamoqda.
Izoh (0)