Kiyev viloyatining Irpensk shahar kengashi deputati Igor Overko daromadlari to‘g‘risidagi deklaratsiyaga 586 kvartirani kiritdi. Bu haqda “MK.ru” xabar berdi.
Qayd etish joizki, deputatning asosiy ish joyidagi (u “Sinergiya” qurilish firmasi ta’sischilaridan biri va rahbari hisoblanadi) maoshi o‘tgan yili 20 ming grivnadan oshiqroqni (755 dollar atrofida) tashkil etdi.
Overko o‘tgan yili 400 ta kvartirani sotishga erishdi va hozirda ixtiyorida “atigi” 186 ta kvartira qoldi. Ko‘chmas mulkni sotishdan olingan daromad 50 million grivnadan oshdi (salkam 2 million dollar).
Shuningdek, deputatning oilasiga 4 ta uy, 18 ta yer uchastkasi va 16 million grivnadan ortiq (615 ming dollar) jamg‘arma ham tegishli.
Mol-mulki haqidagi ma’lumotlarga izoh berar ekan, Overko “o‘zining barcha daromadlarini yashirmay deklaratsiya qilgan kam sonli deputatlardan biri” ekanligini ma’lum qildi.
Izoh (0)