Kuch tizimi hisoblanmaydigan va asosan tabiat resurslaridan foydalanishni nazorat qiladigan AQSh ichki ishlar vazirligi 200 dan ortiq maslahat kengashlari va qo‘mitalar ishini to‘xtatib qo‘ydi. Bu haqda “TASS” xabar bermoqda.
Ularning faoliyati kamida sentabr oyigacha to‘xtatilgani bildirilmoqda.
CNN telekompaniyasiga ko‘ra, vazirlik rahbari Rayan Zinke atrof-muhit himoyasiga jiddiy e’tibor qaratgan Barak Obama prezidentligi davrida soni anchagina ko‘paygan mazkur maslahat organlari maqsad va vazifalarini aniqlashtirib olish uchun shunday qaror qabul qilgan.
Vazirlikdagi manbaning bildirishicha, ko‘plab kengash va qo‘mitalar yillar davomida yig‘ilishlar o‘tkazmagan, ularning tarkibida talay bo‘sh o‘rinlar mavjud.
Izoh (0)