Rossiya prezidenti Vladimir Putin sobiq Ittifoq davlat xavfsizligi qo‘mitasining Germaniya demokratik respublikasidagi sobiq vakili Lazar Matveyev xonadonida mehmon bo‘ldi. Bu haqda “RIA Novosti” xabar bermoqda.
Putin Matveyevning qo‘l ostida 1980-yillarning ikkinchi yarmida Drezdenda ishlagandi. U o‘zining sobiq rahbarini 90 yoshga to‘lgani bilan tabrikladi.
Rossiya prezidenti Matveyevning uyiga Germaniyadagi faoliyati bo‘yicha hamkasblari — hozirda “Transneft” kompaniyasini boshqarayotgan Nikolay Tokarev va “Rostex” korporatsiyasi bosh direktori Sergey Chemezov bilan birgalikda keldi.
Putin sobiq razvedkachini yubiley va G‘alaba kuni bilan tabrikladi. Unga prezident soati va 1927-yilda, faxriy tug‘ilgan kunda chop etilgan “Pravda” gazetasi nusxasini taqdim etdi.
Izoh (0)